इटालीलाई हराँउदै स्पेन नेसन्स लिगको फाइनलमा, क्रोएसियासँग उपाधि भिडन्त
एजेन्सी : नेसन्स लिगको उपाधिका लागि स्पेन र क्रोएसियाबीच भिडन्त हुने भएको छ।
अन्तिम समयको गोलसँगै सेमिफाइनलमा इटालीलाई २-१ ले पराजित गर्दै स्पेनले नेसन्स लिगको अन्तिम दुईमा स्थान पक्का गरेको हो।
गए राति भएको खेलको तेस्रो मिनेटमा नै पिनोले गोल गर्दै स्पेनलाई अग्रता दिलाएका थिए। तर ११ औं मिनेटमा इमोविलले पेनाल्टीमा गोल गर्दा खेल १-१ गोलको बराबरीमा पुग्यो।
यसपछि खेल अतिरिक्त समयतर्फ धकेलिने अनुमान गरिरहेका बेला ८८ औं मिनेटमा जोसेलुले गोल गर्दै स्पेनलाई फाइनलमा पुर्याए।
अब उपाधिका लागि क्रोएसिया र स्पेनबीच फाइनल खेल हुनेछ। नेदरल्यान्ड्सलाई ४-२ ले हराउँदै क्रोएसिया फाइनलमा पुगिसकेको छ।
असार १, २०८० शुक्रबार ०७:२८:०९ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
