ओमानविरुद्ध कुशलको शतक, भीमको अर्धशतक
काठमाडौं : एकदिवसीय विश्वकप क्रिकेटको छनोटअघिको दोस्रो वार्मअप खेलमा ओमानविरुद्ध नेपालका कुशल भुर्तेलले शतक र भीम सार्कीले अर्धशतक प्रहार गरेका छन्।
कुशलले ९१ बलमा १३ चौका र २ छक्कासहित शतक प्रहार गर्दा भीमले ६५ बलमा ८ चौकासहित अर्धशतक प्रहार गरे।
भुर्तेल ९४ बलमा १०१ रन बनाएर रिटायर्ड आउट हुँदा सार्की ५६ रनमा अकिव इलियासको बलमा आउट भए। कुशल र भीमले ११५ रनको साझेदारी गरे।
भुर्तेलको स्थानमा दीपेन्द्रसिंह ऐरी मैदानमा प्रवेश गर्दा सार्की बाहिरिएसँगै कप्तान रोहित पौडेल भित्रिएका छन्।
यसअघि आशिफ शेख २४ बलमा २३ रन बनाएर आउट भएका थिए। उनी खलिमुल्लाहको बलमा आयान खानबाट क्याचआउट भए।
२६८ रनको विजयी लक्ष्य पछ्याएको नेपाल ३४ ओभरको समाप्तीमा ३ विकेट गुमाएर २०० रन बनाएर खेलिरहेको छ।
जेठ ३२, २०८० बिहीबार १८:५२:१९ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
