नेपाल र भारत ए बीचकाे खेल रद्द
काठमाडौं : हङकङमा भइरहेको महिला इमर्जिङ टिम्स एसिया कप क्रिकेटमा नेपाल र भारत ए बीचको खेल रद्द भएको छ।
वर्षाका कारण आउटभिल्ड खेल्न लायक नभएपछि नेपालले भारत ए सँग खेल्न पाएन् र टस नै नभई खेल रद्द गरिएको हो।
रद्द भएपछि दुवैले एक-एक अंक पाएका छन्। समूह बी मा नेपालले दुई खेलपछि एक अंक छ भने भारतले ३ अंक जोडेको छ।
बिहीबारै तय भएको पाकिस्तान ए र हङकङबीचको खेल पनि रद्द भएको थियो।
नेपाल पहिलो खेलमा पाकिस्तान-ए सँग प्रतिस्पर्धात्मक खेलमा ९ रनले पराजित भएको थियो।
नेपालले समूहको अन्तिम खेल हङकङसँग शनिबार खेल्नेछ । समूहका शीर्ष दुई टोली सेमिफाइनल प्रवेश गर्नेछन्।
भारत र पाकिस्तानको समान ३ अंक हुँदा नेपाल र हङकङको समान एक अंक छ।
जेठ ३२, २०८० बिहीबार १४:१७:५३ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
