वर्षाको कारण नेपाल र भारतबीचको खेल स्थगित
काठमाडौं : महिला इमर्जिङ टिम्स टी-२० एसिया कप अन्तर्गत नेपाल र भारतबीचको खेल वर्षाको कारण स्थगित भएको छ।
समूह चरणको खेल स्थगित भएपछि दुवै टिमले १-१ अंक बाँडेका छन्।
यस खेलमा १ अंक पाएकाले नेपालको सेमिफाइनलमा पुग्ने सम्भावना कायमै छ। यस खेलमा नेपाल पराजित भएको भए नेपालको सेमिफाइनल पुग्ने सम्भावना समाप्त हुन्थ्यो।
अंक तालिकामा नेपाल र हङकङको २ खेलमा १ अंक छ भने भारत र पाकिस्तानको दुई खेलमा समान ३ अंक छ।
अब नेपाललाई सेमिफाइनल पुग्न अन्तिम खेलमा हङकङविरुद्ध भारी अन्तरको जित आवश्यक छ। अनि मात्र रनरेटको आधारमा सेमिफाइनलमा पुग्ने सम्भावना बाँकी रहन्छ।
जेठ ३२, २०८० बिहीबार १४:१५:५४ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
