नेपाल आज फिलिपिन्ससँग भिड्दै
काठमाडौं : नेपाली राष्ट्रिय टिमले आज अन्तर्राष्ट्रिय मैत्रीपूर्ण फुटबल खेलमा फिलिपिन्ससँग भिडन्त गर्दैछ।
साफ च्याम्पियनसिपको तयारीका रुपमा नेपालले खेल्न लागेको यो खेल नेपाली समय अनुसार दिउँसो ४:४५ बजे सुरु हुनेछ।
यसअघि नेपाल र फिलिपिन्सबीच सन् २०१७ मा भएको पछिल्लो खेल गोलरहित बराबरीमा सकिएको थियो।
फिलिपिन्सको मनिलामा हुने खेलमा लागि बुधबार फिलिपिन्स पुगेको नेपाली टिम शुक्रबार साफ च्याम्पियनसिपका लागि भारत प्रस्थान गर्नेछ।
१४ औं संस्करणको साफ च्याम्पियनसिप असार ६ गतेदेखि भारतको बैंग्लोरमा आयोजना हुँदैछ। साफ च्याम्पियनसिपमा नेपाल रहेको समूहमा आयोजक तथा डिफेन्डिङ च्याम्पियन भारतसँगै पाकिस्तान र कुवेत रहेका छन्।
नेपालले पहिलो खेलमा असार ६ गते कुवेतसँग खेल्नेछ। नेपाल अघिल्लो साफको उपविजेता टिम हो भने भारत डिफेन्डिङ च्याम्पियन टिम हो।
जेठ ३२, २०८० बिहीबार ११:४६:१२ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
