आज नेपाल र भारतको भिडन्त
काठमाडौं : नेपालले आज एसीसी महिला इमर्जिङ टिम्स एसिया कप टी-२० क्रिकेट प्रतियोगितामा भारतसँग भिडन्त गर्दैछ।
भारतको ‘ए’ टिमसँग हङकङमा हुने खेल नेपाली समय अनुसार बिहान ११:१५ मा सुरु हुनेछ।
प्रतियोगिताको पहिलो खेलमा नेपाल पाकिस्तान ‘ए’ सँग ९ रनले पराजित भएको थियो। उक्त खेलमा नेपालले सानदार बलिङ गर्दै पाकिस्तानलाई ८७ रनमा अल आउट गरेको थियो।
तर ब्याटिङ नचल्दा ८८ रनको विजय लक्ष्य पछ्याएको नेपालले निर्धारित २० ओभरमा ६ विकेट गुमाउँदै ७८ रन मात्र बनाउन सक्यो।
भारतले भने पहिलो खेलमा हङकङलाई ९ विकेटले हराएको थियो।
जेठ ३२, २०८० बिहीबार ०९:१३:०३ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
