लामो समयपछि उदय र मनिलाले ल्याए ‘जालहारी ठूली’ (भिडियो)

काठमाडौं : नेपाली सांगीतिक क्षेत्रका सफल गायन जोडी उदय सोताङ र मनिला सोताङको युगल गीत ‘जालहारी ठूली’ बोल गीतको सार्वजनिक भएको छ।

लामो समयको अन्तरालपछि उनीहरूले नयाँ गीत रिलिज गरेका हुन्।

मिलन नाल्बोले लेखेको लोकशैलीको ‘जालहारी ठूली’मा पुष्पराज बरालको संगीत र पवन भाटको संगीत संयोजन रहेको छ। सांग्रिला क्रियशनले निर्माण गरेको भिडियोलाई  गीतको भावअनुसार गाउँले परिवेशमा खिचिएको छ।

उदय र मनिलाले गाएको यस गीतको भिडियोमा गायक उदय,मनिलाका साथमा बेदना थुलुङ र दिनेश कायस्थले अभिनय गरेका छन्।

भिडियोलाई सुजन तोलङ्गीले छायांकन गरेका छन् भने सम्पादन विनोद बमले गरेका हुन।

यसअघि उदय र मनिलाका सदावहार गीत ‘तिमीबिना बाँच्न गाह्रो भो', 'उकाली चढौँला','कोही बोलीमा रस हुन्छ','आधी बाटो हिँडेपछि..’ लगायत दर्जनौँ गीतहरू रहेका छन्। 

 </p>

जेठ ३१, २०८० बुधबार २१:३५:२८ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।