‘गणपति’को प्रदर्शन मिति तय
काठमाडौं : फिल्म ‘गणपति’ले प्रदर्शन मिति तय गरेको छ।
रिजाल एण्ड रिजाल प्रोडक्सनका प्रमुख रामप्रसाद रिजालले सर्वाधिकार लिएसँगै ‘गणपति’ले प्रदर्शन मिति तय गरेको हो। फिल्म भदौ १४ गतेबाट पदर्शन हुने भएको छ।
फिल्ममा मुकुन भुसाल, मेनुका प्रधान, राजाराम पौडेल, सूर्यमाला खनाल, स्व.जयनन्द लामा, सुशील पोखरेल, प्रकाश घिमिरे, पुस्कर गुरुङ, अंशु मानन्धर, कविता न्यौपाने, देवेन्द्र बब्लु, कालु रानालगायतले अभिनय गरेका छन्।
सविन अधिकारीको लेखन तथा निर्देशनमा बनेको फिल्ममा निर्माता लक्ष्मण रिजाल रहेका छन्। फिल्मको वितरणको जिम्मा श्रीराम बालाजी फिल्मस्का सुनिल मानन्धरले लिएका छन्। विज्ञान केसी र अर्बिन्द्र गिरी कार्यकारी निर्माता रहेको फिल्मलाई हरिबहादुर घलेले खिचेका हुन्।
यसअघि रामप्रसादले फिल्म ‘नशा’, ‘कायरा’ र ‘डिसेम्बर फल्स’ निर्माण गरिसकेका छन्। उनको पछिल्लो समयमा प्रदर्शनमा आएको फिल्म ‘डिसेक्बर फल्स’ कमजोर व्यापार गरेको थियो।
भगवान र मान्छेबीचको अन्तरसम्बन्ध र अन्तरको कथा भन्ने फिल्मको फस्र्टलुक सार्वजनिक भइसकेको छ।
अभिनेता मुकुन भुसालका यसअघि ‘बुलबुल’ र ‘झिंगेदाउ’ प्रदर्शनमा आइसकेका छन्। दुवै फिल्मको सफलतापछि आफ्नो तेश्रो फिल्म ‘गणपति’ले पनि दर्शकको मन जित्ने विश्वस्त रहेको उनले बताए।
जेठ ३०, २०८० मंगलबार १७:३९:३४ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
