सावित्राले युरोपेली लिग खेल्ने पक्का
काठमाडौं : नेपाली राष्ट्रिय फुटबल टोलीकी खेलाडी सावित्रा भण्डारीले युरोपेली लिग खेल्ने भएकी छन्।
सावित्राले आगामी सिजनमा लागि इजरायलको शीर्ष डिभिजन क्लब हापोएल रानानासँग सम्झौता गरेकी हुन्।
क्लबले मंगलबार नै सामाजिक सञ्जालमार्फत उनलाई अनुबन्ध गरेको पुष्टि गरेको हो। रानाना त्यहाँको ‘ए’ डिभिजन लिग क्बल हो।
भारतीय शीर्ष डिभिजन लिगमा सर्वाधिक गोलकर्ता बनेपछि उनको चर्चा थप चुलिएको थियो। उक्त लिगमा सावित्राले १० खेलमा २९ गोल गरेकी थिइन्।
यसअघि माल्दिभ्सको लिग खेलिसकेकी उनले पहिलो पटक एसियाबाहिरको लिग खेल्न लागेकी हुन्।
जेठ ३०, २०८० मंगलबार १४:४८:४७ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
