नेपाल पाकिस्तानविरुद्ध टस जितेर बलिङ गर्दै
काठमाडौं : नेपालले महिला इमर्जिङ टिम्स कप क्रिकेटमा पाकिस्तान ‘ए’ विरुद्ध टस जितेर पहिले बलिङ गरेको छ।
हङकङ सुरु भएको टि-२० प्रतियोगिताको आफ्नो पहिलो खेलमा नेपालकी कप्तान रुविना क्षेत्रीले टस जितेर पहिला फिल्डिङ गर्ने निर्णय गरिन्।
भिसाको कारण थाईल्यान्डले प्रतियोगितामा सहभागिता नजनाएपछि नेपालले खेल्न लागेको हो। यसअघि मलेसियासँगको पाँच खेलको सिरिज ३-२ ले जितेको नेपालको मनोबल उच्च छ।
प्रतियोगिताको बलियो टोली मध्येका पाकिस्तान र भारतले राष्ट्रिय टिम नभइ ‘ए’ टिमलाई प्रतियोगितामा पठाएका छन्।
जेठ ३०, २०८० मंगलबार ०७:२९:३६ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
