प्यूठानमा कार दुर्घटना, आठ जनाको मृत्यु
बुटवल : प्यूठानको स्वर्गद्वारी मन्दिर दर्शन गरेर फर्किँदै गरेका यात्रु सवार कार दुर्घटनामा परको छ।
लु १ च ६३४५ नम्बरको कार भिंग्री नजिकै टाकुरा भन्ने ठाउँमा दुर्घटनामा परेको हो।
दुर्घटनामा परि कारमा सवार ८ जनाको घटनास्थल मै मृत्यु भएको स्वर्गद्वारी नगरपालिकाका मेयर टेक प्रसाद भण्डारीले जानकारी दिए।
कार टाकुराको माथिल्लो घुम्तीबाट तल्लो घुम्तीमा खसेको थियो। कार पूर्ण रूपमा क्षतिग्रस्त भएको ईलाका प्रशासन कार्यालय भिग्रीले जनाएको छ।
कारमा २ महिला २ पुरुष र ४ बालबालिका सवार रहेका थिए।
सबै मृतकको शव संकलन गरि पोष्टमार्टमका लागि विजुवार अस्पताल पठाउने तयारी भैरहेको मेयर भण्डारीले बताए।
जेठ २९, २०८० सोमबार १७:२३:२३ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
