साफ अघिको मैत्रीपूर्ण खेलका लागि फिलिपिन्स जाँदै नेपाली टिम
काठमाडौं : मैत्रीपूर्ण खेलका लागि नेपाली राष्ट्रिय फुटबल टिम आज फिलिपिन्स जाँदैछ।
साफ च्याम्पियनसिपको तयारी स्वरूप मैत्रीपूर्ण खेलका लागि फिलिपिन्स जाने नेपाली राष्ट्रिय पुरुष फुटबल टिमलाई अखिल नेपाल फुटबल संघ (एन्फा)ले आइतबार बिदाई गर्यो।
नेपालले बिहीबार फिलिपिन्ससँग मैत्रीपूर्ण खेल खल्नेछ भने उतैबाट साफ च्याम्पियनसिपको लागि भारत प्रस्थान गर्नेछ।
१४ औं संस्करणको साफ च्याम्पियनसिप असार ६ गतेदेखि भारतको बैंग्लोरमा आयोजना हुँदैछ। साफ च्याम्पियनसिपमा नेपाल रहेको समूहमा आयोजक तथा डिफेन्डिङ च्याम्पियन भारतसँगै पाकिस्तान र कुवेत रहेका छन्।
नेपालले पहिलो खेलमा असार ६ गते कुवेतसँग खेल्नेछ। नेपाल अघिल्लो साफको उपविजेता टिम हो।
जेठ २९, २०८० सोमबार ०९:२८:४५ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
