नेपाल अभ्यास खेलमा स्कटल्यान्डसँग भिड्दै
काठमाडौं : नेपाली राष्ट्रिय क्रिकेट टिमले आज स्कटल्यान्डसँग अभ्यास खेल खेल्दैछ। एकदिवसीय विश्वकप छनोटको तयारी स्वरूप नेपालले यो अभ्यास खेल खेल्न लागेको हो।
दक्षिण अफ्रिकामा खेलिने यस खेल नेपाली समय अनुसार दिउँसो १:१५ बजे सुरु हुने नेपाल क्रिकेट संघ (क्यान) ले जनाएको छ।
नेपालले गत फागुनमा काठमाडौंमा भएको आईसीसी विश्वकप लिग २ अन्तर्गतको दुवै खेलमा स्कटल्यान्डलाई हराएको थियो। लिग २ का पछिल्ला १२ मध्ये ११ खेल जित्दै नेपाल विश्वकप छनोटमा पुगेको हो।
यसै महिना जिम्बावेमा हुने एकदिवसीय विश्वकप छनोट तयारीमा लागि नेपाली टिम हाल दक्षिण अफ्रिकामा छ। यसपछि नेपालले शनिबार नेदरल्यान्ड्ससँग दोस्रो अभ्यास खेल खेल्नेछ भने यसपछि जिम्बावे प्रस्थान गर्नेछ।
जेठ २५, २०८० बिहीबार १०:५६:०१ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
