सगरमाथासहित चार हिमालबाट ३५ टन फोहोर संकलन
काठमाडौं : सगरमाथा, ल्होत्से, अन्नपूर्ण र बरुञ्जे हिमालहरुबाट ३५ टन फोहोर संकलन गरिएको छ।
नेपाली सेनाको नेतृत्वमा युनिलिभर नेपालसँगको सहकार्यमा यी हिमालहरुबाट फोहोर र प्लास्टिक गरी ३५ हजार ७०८ किलोग्राम फोहोर संकलन भएको नेपाली सेनाले जनाएको छ।
आर्मी र युनिलिभर नेपालले ‘सफा हिमाल अभियान २०२३’ सुरुवात गरेको थियो, जुन जेठ ८ गते सम्पन्न भएको छ।
स्थानीयवासी र स्वयंसेवकको सहयोगमा गत चैत १४ गतेबाट सुरु भएको यो अभियानबाट सगरमाथा–ल्होत्से क्षेत्रबाट १३ हजार ६२१ किलो, अन्नपूर्णबाट ३ हजार ५६७ किलो र बरुञ्चेबाट १८ हजार ५२० किलो फोहोर हटाइएको हो।
अभियानमा सहकार्य गर्न पाउँदा गर्व महसुस भएको युनिलिभर नेपालका प्रबन्ध निर्देशक अमलान मुखर्जीले बताए।
जेठ २४, २०८० बुधबार ०८:०६:३० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।