हारसँगै पीएसजीबाट विदा भए मेस्सी र रामोस

एजेन्सी : मेस्सी र रामोसको अन्तिम खेलमा पीएसजीले घरेलु मैदानमै हार भोगेको छ।

फ्रान्सको लिग जितिसकेको पीएसजी लिगको अन्तिम खेलमा दुई गोलको अग्रता जोगाउन नसक्दा क्लेरमन्टसँग ३-२ ले पराजित भयो।

गए राति भएको खेलको १६ औं मिनेटमा नै रामोसले नै अन्तिम खेलमा गोल गर्दै पीएसजीलाई १–० को अग्रता दिलाए। यसपछि २१ औं मिनेटमा एमबाप्पेको पेनाल्टी गोलमार्फत पीएसजीले अग्रता दुगुना पार्यो। 

तर यसपछि पाहुना टोली क्लेरमन्ट खेलमा फर्कियो। पहिलो हाफमै दुई गोल फर्काएर खेललाई बराबरीमा पुर्याएको क्लेरमन्टले दोस्रो हाफमा थप एक गोल गर्दै लिग च्याम्पियनविरुद्ध अन्तिम खेलमा जित निकाल्यो।

यो हारसँगै क्लबका लागि अन्तिम खेल खेलिरहेका स्टार फरवार्ड लियोनेल मेस्सी र डिफेन्डर सर्जियो रामोसको लागि पीएसजीकी बिदाइ पनि सुखद भएन।

जेठ २१, २०८० आइतबार ०७:२७:५९ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।