रेलिगेसनबाट बच्न थ्री स्टार र संकटाको संघर्ष, खेले गोलरहित बराबरी
काठमाडौं : रेलिगेसनबाट बच्न संघर्ष गरिरहेका थ्री स्टार र संकटा क्लबले सहिद स्मारक ‘ए’ डिभिजन लिगमा गोलरहित बराबरी खेल खेलेका छन्।
च्यासल रंगशालामा बुधबार भएको खेलमा थ्री स्टार र संकटाले गोलरहित बराबरी खेल्दै अंक बाँडेका हुन्। खेलमा दुवै टिमले गोलका लागि खासै राम्रो मौकाहरु समेत बनाउन सकेनन्।
यो बराबरीसँगै रेलिगेसन जोनभन्दा मात्र ३ अंकले ठीक माथि रहेका दुवै टिमको २३ खेलबाट समान २७ अंक भएको छ। जहाँ थ्री स्टार ११ औं र संकटा १२ औं स्थानमा छन्। रेलिगेसन जोनमा रहेका फ्रेण्डस र खुमलाटारको समान २४ अंक छ।
जेठ १७, २०८० बुधबार २०:४८:२९ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
