लिग लिडर चर्च ब्वाइजसँग भिड्दै एपीएफ
काठमाडौं : शहीद स्मारक ‘ए’ डिभिजन लिगमा आज एपीएफ क्लबले लिग लिडर चर्च ब्वाइज युनाइटेडको सामना गर्दैछ।
आज (मंगलबार) हुने दुई खेल मध्ये दशरथ रंगशालामा हुने यी दुईबीचको दोस्रो खेल साँझ ६ बजे सुरु हुनेछ।
२२ खेलमा ३८ अंकसहित लिगको शीर्ष स्थानमा रहेको चर्च ब्वाइज आजको खेलमा जितसँगै अग्रता बढाउने योजनामा छ।
२२ खेलमा २९ अंक जोडेर छैटौं स्थानमा रहेको एपीएफले भने आज खेल जितेमा चौथो स्थानमा उक्लने छ।
दशरथ रंगशालामा आजै दिउँसो ३ बजे हुने पहिलो खेलमा भने त्रिभुवन आर्मी क्लब र जावलाखेल युथ क्लबबीच भिडन्त हुँदैछ।
२२ खेलमा ३४ अंक जोडेर जावलाखेल लिगको तेस्रो स्थानमा छ भने समान खेलबाट ३० अंक जोडेर आर्मी पाँचौं स्थानमा छ।
जेठ १६, २०८० मंगलबार ०८:०८:३८ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
