वैदेशिक रोजगारमा गएका कामदारले जुनसुकै आकारको टिभी ल्याउँदा भन्सार महसुल छुट, यस्ता छन् शर्त

काठमाडौं : सरकारले आगामी आर्थिक वर्ष अर्थात् साउन १ गतेदेखि वैदेशिक रोजगारीबाट फर्कने कामदारले ल्याउने जुनसुकै आकारको टेलिभिजनमा भन्सार महसुल छुट दिने भएको छ।

आगामी आर्थिक वर्षको बजेट प्रस्तुत गर्दै अर्थमन्त्री डा. प्रकाशशरण महतले यसको जानकारी दिएका हुन्। तर, यसका लागि कामदारले निश्चित शर्त भने पूरा गर्नुपर्ने हुन्छ।

त्यस्ता कामदर सामाजिक सुरक्षा कोषमा आवद्ध भई वैदेशिक रोजगारमा गएर कम्तीमा लगातार १२ महिना काम गरी फर्किएको हुनुपर्नेछ।

यसअघि वैदेशिक रोजगारीमा गएका कामदारले ३२ इन्चसम्मको टेलिभिजन ल्याउँदा भन्सार महसुल तिर्नुनपर्ने व्यवस्था थियो। तर त्यसभन्दा ठूलो आकारको टेलिभिजन ल्याउँदा भन्सार महसुल तिर्नुपर्ने थियो।

जेठ १५, २०८० सोमबार १९:२६:३६ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए ukeraanews@gmail.com मा पठाउनु होला।