बागमती सरकारको नीति तथा कार्यक्रम मन्त्रिपरिषद्बाट पारित
काठमाडौं : बागमती प्रदेश सरकारले आर्थिक वर्ष २०८०/०८१ को नीति तथा कार्यक्रम पारित गरेको छ।
आइतबार बसेको मन्त्रिपरिषद् बैठकले सरकारको नीति तथा कार्यक्रम पारित गरेको हो।
यस्तै बैठकले मकवानपुर, चितवन, सिन्धुली र रामेछापका ५ वटा प्रहरी इकाई भवन निर्माणको लागि ६ करोड १५ लाख ५६ हजार खर्च गर्ने अख्तियारी दिने निर्णय पनि गरेको छ।
सरकारले ११ स्थानीय तहलाई स्थानीय विपद् कोषमा १ करोड रूपैयाँ जम्मा गर्ने र तीन पालिकालाई प्राकृतिक विपद् तथा जोखिम न्यूनीकरणका लागि १ करोड ९० लाख सशर्त अनुदान दिने भएको छ।
मन्त्रिपरिषद्ले सुत्केरीको मृत्युपछि सिन्धुली अस्पतालमा पुगेको क्षतिको मर्मतका लागि अस्पताललाई १० लाख रुपैयाँ दिने निर्णय पनि गरेको छ।
जेठ १४, २०८० आइतबार १६:२२:२८ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
