डर्टमन्डको दुर्भाग्य : अन्तिम खेलमा बराबरी, गोलअन्तरमा बायर्न जर्मन लिग च्याम्पियन
एजेन्सी : दुर्भाग्यमानी साबित भएको बोरुसिया डर्टमन्डले अन्तिम खेलमा बराबरीमा रोकिएपछि गोलअन्तरको आधारमा लिग उपाधि बायर्न म्युनिखलाई सुम्पिएको छ।
लिगको अन्तिम खेलमा आएर शीर्षस्थानमा रहेको बोरुसिया डर्टमन्डलाई गोलअन्तरमा पछि पार्दै बायर्न म्युनिखले लिग उपाधि उचाल्यो।
डर्टमन्ड अन्तिम खेलमा मेन्जसँग २-२ गोलको बराबरीमा रोकियो भने बायर्नले आफ्नो अन्तिम खेलमा एफसी कोल्नलाई २–१ ले पराजित गरेको थियो।
यसपछि समान ३४ खेलबाट ७१ अंक जोडे पनि गोलअन्तरमा बायर्न लिग च्याम्पियन बन्दा डर्टमन्डको सन् २०११/१२ पछि पहिलो उपाधि जित्ने बलियो सम्भावना सकियो।
बायर्नले लिग उपाधि जितेको यो लगातार ११ औं सिजन हो।
जेठ १४, २०८० आइतबार १०:५८:४० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
