मकवानपुरमा मात्रै मिटरब्याजी विरुद्ध पाँच दर्जन उजुरी
हेटौंडा : जिल्ला प्रशासन कार्यालय मकवानपुर हेटौंडामा मिटरब्याजी विरुद्ध ६० वटा उजुरी परेको छ।
नेपाल सरकारले वैशाख १६ गतेदेखि मिटरब्याज विरुद्ध उजुरी दिन आह्वान गरेपछि जिल्ला प्रशासन कार्यालय मकवानपुरमा मिटरब्याज पीडितले उक्त सङ्ख्यामा उजुरी दिएका हुन्।
जिल्ला प्रशासन कार्यालय मकवानपुरका सहायक प्रमुख जिल्ला अधिकारी नेत्रप्रसाद शर्माका अनुसार मकवानपुर जिल्ला अन्तर्गत हेटौंडा उपमहानगरपालिकाका पीडितबाट सबैभन्दा बढी २६ उजुरी परेको छ।
त्यसैगरी मकवानपुरगढी गाउँपालिकाका पीडितबाट ६, भीमफेदीका पीडितबाट १२, कैलाश गाउँपालिकाका पीडितबाट तीन, इन्द्रसरोवर गाउँपालिकाका पीडितबाट तीन एवं मकवानपुर जिल्लासँग सम्बन्धित रहेको मुद्दा काठमाडौंका दुई र ललितपुरका एक जनाको उजुरी रहेको छ।
मिटरब्याजको धन्दा सञ्चालन गर्ने समूहबाट पीडित भएको भन्दै सर्वसाधारणबाट उजुरी परेको उनले बताए। उजुरी दर्ता गर्ने समय जेठ १४ गते आइतबार (आज) सम्म रहेको र दर्ता अवधि सकेपछि दुवै पक्षलाई बोलाएर छलफल सुरु गरिने सो कार्यालयको मुद्दा दर्ता शाखाले जनाएको छ।
जेठ १४, २०८० आइतबार ०७:५५:४९ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
