पीएसजीले बनायो ११ औं पटक फ्रेन्च लिग जित्ने कीर्तिमान, मेस्सीको निर्णायक गोल
एजेन्सी : अर्जेन्टिनी स्टार लियोनेल मेस्सीको कीर्तिमानी गोलसँगै पीएसजीले सर्वाधिक ११ औं पटक फ्रेन्च लिग वानको उपाधि जितेको छ।
यो पटकको उपाधिसँगै पीएसजी सबैभन्दा धेरै पटक लिग वानको उपाधि जित्ने टिम बनेको छ।
गए राति भएको खेलमा स्ट्रासबर्गसँग १-१ गोलको बराबरीको खेल खेल्दै पीएसजीले एक खेल अगावै लिग वानको उपाधि पक्का गरेको हो।
घरेलु टोली स्टार्सबर्गको घरेलु मैदानमा ५९ औं मिनेटमा मेस्सीले गोल गर्दै पीएसजीलाई १–० को अग्रता दिलाए।
यसपछि ७९ औं मिनेटमा गेमेरियोले गोल गर्दै स्टार्सबर्गको लागि बराबरी गोल फर्काएका थिए। लिग उपाधि जित्न १ अंक ने पर्याप्त रहेको पीएसजी यो बराबरीसँगै लिग च्याम्पियन बन्यो।
लिगमा अन्तिम एक खेल बाँकी रहँदा यस बराबरीसँगै पीएसजीको ३७ खेलबाट ८५ अंक भयो भने दोस्रो स्थानमा रहेको लेन्सको ८१ अंक छ।
जेठ १४, २०८० आइतबार ०७:३१:२३ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
