सलमान खानलाई हलिउडकी पत्रकारको विवाह प्रस्ताव, दिए यस्तो जवाफ
एजेन्सी : सलमान खानसँग विवाह गर्न विश्वका करोडौं युवतीले सपना देख्छन्।
५७ वर्षीय उनको नाम फिल्मी करियरमा धेरै सुन्दरीसँग जोडिएको थियो भने कयौंसँग उनले डेटसमेत गरेका थिए। तर विवाहसम्म ती सम्बन्धहरू पुग्न सकेनन्।
हालै सलमान आइफा अवार्ड २०२३ मा सहभागी हुन दुबई पुगेका छन्। त्यहाँ उनलाई एक विदेशी महिला पत्रकारले विवाहको प्रस्ताव राखिन्। त्यो भिडियो अहिले सञ्जालमा ब्यापक भाइरल भइरहेको छ।
आइफा २०२३ मा एक विदेशी पत्रकारले सुपरस्टार सलमान खानलाई सोधिन्, ‘म हलिउडबाट यहाँ आएको हुँ। तपाईंलाई देख्ने बित्तिकै मायामा परेँ।’
तुरुन्तै सलमान खानले रोकेर सोधे, ‘के तपाईं शाहरुख खानको कुरा गर्दै हुनुहुन्छ?’
यसको जवाफमा उनी भन्छिन्, ‘होइन, म तपाईंको बारेमा कुरा गर्दैछु, सलमान खान। सलमान खान मसँग बिहे गर्नुहुन्छ?’
पत्रकारको यो प्रश्नमा सुपरस्टार भन्छन्, ‘मेरो बिहे गर्ने दिन गइसक्यो। तपाईंले मलाई २० वर्षअघि भेट्नुपर्ने थियो।’
जेठ १३, २०८० शनिबार १३:५९:३१ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
