विराटनगरमा शनिबार एनसेलको कन्सर्ट, दीपक बज्राचार्यदेखि अस्मिता अधिकारीसम्मको प्रस्तुती
काठमाडौं : चर्चित कलाकार तथा सांगीतिक समूहहरूको प्रस्तुतीका साथ एनसेल आजियाटा लिमिटेडले दिउँसो २ बजेदेखि हाटखोला मैदान, विराटनगरमा कन्सर्ट गर्ने भएको छ।
कन्सर्टमा दिपक बज्राचार्य, आषिश राना (लाउरे), शिव परियार, द एलिमेन्ट्स, अस्मिता अधिकारी, सुनिल पण्डित, केकी अधिकारीलगायतले प्रस्तुती दिने आयोजक एनसेलले जनाएको छ। कन्सर्ट बेलुका साढे ८ बजेसम्म चल्नेछ।
कन्सर्टमा सहभागी हुन इच्छुकले नजिकैको एनसेल सेन्टर वा आधिकारिक बिक्रेताकोमा सम्पर्क गरि कार्यक्रमको टिकट लिनसक्छन् । त्यसैगरी कन्सर्ट हुने स्थान हाटखोला मैदानबाट पनि ग्राहकहरुले टिकट लिन सक्ने एनसलेले जनाएको छ।
कार्यक्रम स्थलमा रहने एनसेलको स्टलबाट कम्पनीले प्रदान गर्दै आएको सेवा तथा सुविधाका बारेमा जानकारी लिन सकिनेछ। कार्यक्रमले हाल बजार शिथिल देखिएको अवस्थामा व्यापार तथा व्यवसायलाई चलायमान बनाउन सहयोग गर्ने कम्पनीको विश्वास छ।
यसअघि एनसेलले नयाँवर्ष २०८० को अवसरमा वैशाख २ गते शनिबार काठमाडौंको दरवारमार्गमा १६औं दरबारमार्ग सडक महोत्सव पर्पल स्याटर्डे आयोजना गरेको थियो।
जेठ १३, २०८० शनिबार ११:०४:४६ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
