शनिबार १५ मंसिर, २०८१
काभा भलिबल : फाइनल पुग्यो भारत, नेपालले अहिले पाँच बजे कजाकिस्तानसँग खेल्ने
१ वर्ष अघि
काठमाडौं : भारत काठमाडौंमा जारी काभा महिला भलिबल च्यालेन्ज कप २०२३ को फाइनलमा पुगेको छ।
त्रिपुरेश्वरस्थित राष्ट्रिय खेलकुद परिषद् (राखेप)को कभर्डहलमा उज्वेकिस्तानलाई सोझो सेटमा पराजित गर्दै भारत फाइनल पुगेको हो।
उज्वेकिस्तानलाई भारतले २५–१७, २५–२० र २५–१५ को सेटमा पराजित गर्यो।
भारत समूह ‘ए’को विजेता बन्दै अन्तिम चारमा पुग्दा उज्वेकिस्तान समूह ‘बी’को उपविजेताको हैसियतमा सेमिफाइनलमा पुगेको हो।
आजै पाँच बजे हुने दोस्रो सेमिफाइनलमा नेपाल र कजाकस्तान आमनेसामने हुँदैछन्।
जेठ १२, २०८० शुक्रबार १६:००:५७ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
