बराबरीमा रोकियो प्रिमियर लिग च्याम्पियन म्यानचेस्टर सिटी

एजेन्सी : इंग्लिस प्रिमियर लिगको उपाधि जितिसकेको म्यानचेस्टर सिटी लिगको खेलमा ब्राइटनसँग १–१ गोलको बराबरीमा रोकिएको छ।

ब्राइटनको घरेलु मैदानमा लिएको सुरुवाती अग्रतालाई जोगाउन नसक्दा सिटीले अंक बाढेको हो।

गए राति भएको खेलको २५ औं मिनेटमा फिल फोडेनले गोल गर्दै सिटीलाई १-० को अग्रता दिलाएका थिए। 

तर ३८ औं मिनेटमा नै इन्सिस्कोले गोल गर्दै ब्राइटनलाई १-१ गोलको बराबरीमा ल्याइ पुराए। त्यसपछि खेलमा दुवै टिमबाट थप गोल नहुँदा खेल बराबरीमै सकियो ।

च्याम्पियन सिटीलाई बराबरीमा रोकेपछि ब्राइटन युरोपा लिगको लागि छनौट भएको छ। ३७ खेलबाट ६२ अंक जोडेर लिगको छैटौं स्थानमा पक्का गर्दै ब्राइटनले अर्को सिजनको युरोपा लिगमा ठाउँ सुरक्षित गरेको हो।

बराबरी पछि लिग च्याम्पियन सिटीको भने ३७ खेलबाट ८९ अंक भएको छ।

जेठ ११, २०८० बिहीबार ०८:२२:२९ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।