फिल्म नखेल्ने मुडमा रेबिका गुरुङ, सामाजिक सञ्जालबाट पनि आउट
काठमाडौं : फिल्म ‘मारुनी’बाट नेपाली सिने नगरीमा डेब्यु गरेकी रेबिका गुरुङ अब फिल्म नखेल्ने मुडमा पुगेकी छन्।
मंगलबार आफू अभिनित फिल्म ‘गोर्खा वारियर’को पत्रकार सम्मेलनमा उकेराकर्मीको प्रश्नको जवाफमा उनले आफू फिल्म नखेल्ने मुडमा पुगेको बताएकी हुन्।
रेबिकालाई उकेराकर्मीले ‘यसपछि कुनै फिल्ममा काम गर्दै हुनुहुन्छ?’ भन्ने प्रश्नको जवाफ दिने क्रममा उनले अब फिल्म नगर्ने सोचमा पुगेको उनले बताइन्।
उनले भनिन्, ‘अहिले मेरो दुई वटा फिल्म ‘गोर्खा वारियर’ र ‘काँडेतार’ प्रदर्शनको तयारीमा छन्। यो पछि अरु नखेल्ने विचारमा छु।’
पढाइमा ध्यान दिनुपर्ने भएकाले फिल्म नगर्ने कारण बताइन् उनले। फिल्मबाट टाढिने सोच बनाएकी गुरुङ सामाजिक सञ्जालबाट समेत टाढिएकी छन्।
उनी अहिले फेसबुक, इन्टाग्राम लगायत सबै सञ्जालबाट बाहिरिएको जानकारी दिइन्। तर कारणबारे खुलेर बोलिनन् र भनिन्, ‘यत्तिकै।’
जेठ ९, २०८० मंगलबार १८:५०:०५ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
