काभा भलिबलको सेमिफाइनललमा नेपाल
काठमाडौं : नेपाल एनभीए–काभा वुमन्स् भलिबल च्यालेन्ज कपको सेमिफाइनल पुगेको छ।
मंगलबार त्रिपुरेश्वरस्थित राष्ट्रिय खेलकुद परिषद्को कभर्ड हलमा भएको खेलमा नेपालले बंगलादेशलाई ३–० को सोझो सेटमा पराजित गर्दै सेमिफाइनलमा प्रवेश गरेको हो।
नेपालले बंगलादेशलाई २५–१०, २५–८ र २५–९ ले हराएको हो।
नेपालले सोमबार कीर्गिस्तालाई पनि ३–० को सोझो सेटमा पराजित गर्दै प्रतियोगिताको सुखद् सुरुवात गरेको थियो।
प्रतियोगितामा नेपालसँगै भारत पनि सेमिफाइनलमा प्रवेश गरेको छ। भारतले सोमबार बंगलादेशलाई र मंगलबार कीर्गिस्तानलाई हराएको थियो।
अब नेपाल र भारतबीचको खेलले समूह विजेता चयन हुनेछ।
नेपाल रहेको समूह ‘ए’मा भारतसँगै, बंगलादेश र कीर्गिस्तान हुँदा समूह ‘बी’ मा कजाकिस्तान, उज्बेकिस्तान, श्रीलंका र माल्दिभ्स छन्।
जेठ ९, २०८० मंगलबार १७:१०:५३ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
