‘ए’ डिभिजन लिगमा आज थ्री स्टार र पुलिसको भिडन्त
काठमाडौं : सहिद स्मारक ‘ए’ डिभिजन लिग फुटबलमा आज (मंगलबार) दुई खेल हुँदैछन्। दिउँसो ३ बजे एन्फा कम्प्लेक्समा थ्री स्टार क्लब र नेपाल पुलिस क्लबबीच भिडन्त हुँदैछ।
रेलिगेसनको खतरामा रहेको पुलिस क्लब आजको खेलमा अंक जोड्दै सुरक्षित स्थानमा पुग्न चाहन्छ। पुलिस १९ खेलमा २२ अंकसहित लिगको १२ औं स्थानमा छ।
उता १९ खेलमा २६ अंक जोडेर छैटौं स्थानमा रहेको थ्री स्टारको योजना भने शीर्ष पाँचमा उक्लनेमा छ।
त्रिपुरेश्वरस्थित दशरथ रंगशालामा हुने अर्को खेलमा सातदोबाटो युथ क्लबले लिगको अन्तिम स्थानमा रहेको एफसी खुमलटारबीच प्रतिस्पर्धा हुनेछ।
लिगमा १९ खेलमा २९ अंक जोडेर सातदोबाटो चौंथो स्थानमा छ भने खुमलटार १९ खेलमा १८ अंकसहित अन्तिम स्थानमा रेलिगेसनको संघारमा छ।
जेठ ९, २०८० मंगलबार ०८:३८:२१ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
