साउदी लगानीपछि २० वर्षमा च्याम्पियन्स लिगमा छनोट भयो न्यूक्यासल
एजेन्सी : इंग्लिस प्रिमियर लिग क्लब न्यूक्यासल युनाइटेड अर्को सिजनको च्याम्पियन्स लिगका लागि छनोट हुन सफल भएको छ।
दुई वर्ष अघि रेलिगेसनको खतरामा परेको न्यूक्यासलले क्लबमा साउदी लगानी भित्रिएपछि २० वर्षपछि च्याम्पियन्स लिगसम्मको यात्रा तय गर्यो।
यसअघि न्यूक्यासलले सन् २००२/०३ को सिजनमा च्याम्पियन्स लिग खेलेको थियो।
गए राति भएको खेलमा लेस्टर सिटीसँग गोल रहित बराबरी खेल्दै न्यूक्यासलले यो सिजन लिगमा शीर्ष चारमा स्थान पक्का गरेको हो। बराबरीपछि न्यूक्यासल ३७ खेलबाट ७० अंक सहित लिगको तेस्रो स्थानमा छ।
लिगको शीर्ष चारमा परेपछि न्यूक्यासल २० वर्षपछि पहिलोपटक च्याम्पियन्स लिगमा छनोट हुन सफल भएको छ।
जेठ ९, २०८० मंगलबार ०८:२१:५५ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
