काभा महिला भलिबल कप : नेपाल आज बंगलादेशसँग भिड्दै
काठमाडौं : नेपालले काभा महिला भलिबल च्यालेन्ज कपमा आज आफ्नो दोस्रो खेलमा बंगलादेशसँग भिडन्त गर्दैछ।
पहिलो खेलमा कीर्गिस्तानलाई हराएर बलियो आत्मविश्वास बटुलेको नेपाल आज बंगलादेशलाई हराउँदै सेमिफाइनलमा स्थान सुरक्षित गर्ने तयारीमा छ।
नेपाल र बंगलादेशबीचको यो खेल दिउँसो ३ बजे राष्ट्रिय खेलकुद परिषद्को कभर्डहलमा हुनेछ।
समूह ए को पहिलो खेलमा घरेलु टोली नेपालले कीर्गिस्तानलाई ३-० को सोझो सेटमा सजिलै हराएको थियो। उताबंगलादेश भने पहिलो खेलमा भारतसँग ३-० कै सोझो सेटमा नै पराजित भएको थियो।
आठ टिम रहेको प्रतियोगितामा ४/४ टिमको दुई समूहबाट शीर्ष २/२ टिमले सेमिफाइनलको यात्रा तय गर्नेछन्।
जेठ ९, २०८० मंगलबार ०८:०१:०१ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
