ट्याक्टरले किचेर खोटाङमा प्रधानाध्यापकको मृत्यु
खोटाङः विद्यालयबाट घर फर्किने क्रममा ट्याक्टरले किचेर खोटाङमा प्रधानाध्यापकको मृत्यु भएको छ।
हलेसी तुवाचुङ नगरपालिका-१ बाहुनीडाँडास्थित बेलडाँडा आधारभूत विद्यालयका प्रधानाध्यापक मकरध्वज राईको मृत्यु भएको हो।
आइतबार साँझ घर फर्कने क्रममा बाहुनीडाँडामा को२त ४६७६ नं को ट्र्याक्टरले उनलाई किचेको थियो।
ट्याक्टर चढ्न खोज्दा उनी खसेका थिए। खसेपछि ट्र्याक्टरको पछाडिको पाङ्ग्राले उनलाई किचेको र उनको घटनास्थलमै मृत्यु भएको जिल्ला प्रहरी कार्यालयले जानकारी दिएको छ।
प्रहरीले ट्र्याक्टर चालकलाई नियन्त्रणमा लिएर अनुसन्धान गरेको जनाएको छ।
जेठ ८, २०८० सोमबार १४:३९:५३ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
