काभा महिला भलिबल च्यालेन्ज कप सुरु, आयोजक नेपाल किर्गिस्तानसँग भिड्दै
काठमाडौं : नेपाल भलिबल संघको आयोजनामा काभा महिला भलिबल च्यालेन्ज कप आज (सोमबार) देखि नेपालमा सुरु भएको छ।
त्रिपुरेश्वरस्थित राष्ट्रिय खेलकुद परिषद कभर्डहलमा हुने प्रतियोगितामा ८ टोलीको सहभागिता रहेको छ।
प्रतियोगितामा आयोजक नेपालले आज आफ्नो पहिलो खेलमा किर्गिस्तानसँग भिडन्त गर्दैछ। यो खेल दिउँसो ४ः३० बजेदेखि सुरु हुनेछ।
अरुणा शाहीको कप्तानीमा नेपाली टिम घरेलु कोर्टको फाइदा उठाउँदै उपाधि जित्ने लक्ष्यमा छ।
प्रतियोगिता अन्तर्गत आज ४ खेल हुँदैछ। १४ जेठसम्म चल्ने प्रतियोगितामा सहभागी टोलीलाई दुई समूहमा विभाजन गरिएको छ।
समूह ‘ए’मा नेपालसँगै भारत, बंगलादेश र कीर्गिस्तान रहेका छने भने ‘बी’ मा उज्वेकिस्तान, श्रीलंका, माल्दिभ्स र काजकास्तान छन्।
लिग पछि दुई समूहबाट शीर्ष २ टोलीले सेमिफाइनलमा भिडन्त गर्नेछन्।
जेठ ८, २०८० सोमबार ११:००:५९ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
