बझाङमा यार्सा संकलन गर्न गएका एक जनाको मृत्यु, २ बेपत्ता
बझाङः यार्सागुम्बा संकलनमा गएका एक जनाको हिमपहिरामा परेर ज्यान गएको छ।
आज बझाङको सुर्मा गाउँपालिका–२ मा पर्ने धानशेरा भन्ने ठाउँमा हिमपहिरो जाँदा घटनास्थलमै उनको ज्यान गएको हो।
सहायक प्रमुख जिल्ला अधिकारी सत्यकुमारी जोशीका अनुसार यार्सा संकलनका क्रममा हिमपहिरो जाँदा दुई घाइते भएका छन् भने दुई बेपत्ता भएका छन्।
घटनाको जानकारी हुनासाथ नेपाल प्रहरी र सशस्त्र प्रहरीको टोली घटनास्थलतर्फ गएको सहायक प्रमुख जिल्ला अधिकारी जोशीले बताए।
उनका अनुसार जिल्ला प्रहरी कार्यालयका प्रहरी निरीक्षक जनक ढुंगाना र सशस्त्र प्रहरीका प्रहरी नायब निरीक्षकसहित टोली घटनास्थलमा परिचालन गरिएको छ।
हिमपहिरोमा परेर मृत्यु हुने, घाइते र बेपत्ता हुनेको परिचय खुलेको छैन।
जेठ ७, २०८० आइतबार १९:२७:३५ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
