बागमती प्रदेश खेलकुद प्रतियोगिता आजदेखि

काठमाडौं : मकवानपुरको हेटौंडामा आजदेखि बागमती प्रदेश स्तरीय खेलकुद प्रतियोगिताको दोस्रो संस्करण सुरु हुँदैछ।

प्रतियोगितामा एक हजार ७५ महिला र एक हजार चार सय २७ पुरुष खेलाडी सहभागी हुँदैछन्।

प्रदेश खेलकुद विकास परिषद्को आयोजनामा हुन लागेको सो प्रतियोगिताको मुख्यमन्त्री शालिकराम जम्कट्टेलले उद्घाटन गर्दैछन्।​​​​​​​

परिषद्का सदस्य सचिव सूर्यलाल भण्डारीका अनुसार प्रतियोगितामा सहभागी हुन खेलाडी, प्रशिक्षक, निर्णायक, खेल पदाधिकारी लगायत हेटौंडा आइसकेका छन्।

प्रतियोगितामा १३ खेल समावेश गरिएका छन्। उसु, जुडो र पौडी खेल काठमाडौं तथा ललितपुरमा खेलाइने छन्। यस्तै क्रिकेट चितवनमा खेलाइने सदस्य सचिव भण्डारीले बताए।

फुटबल, भलिबल, एथ्लेटिक्स, तेक्वान्दो, कराँते, बक्सिङ, रग्बी, ब्याडमिन्टन र आइटिएफ तेक्वान्दो हेटौंडाका विभिन्न खेल मैदानमा खेलाइने छन्।

जेठ ७, २०८० आइतबार १२:५७:३४ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।