घरेलु मैदानमा खेल हारे पनि बार्सिलोनाले उचाल्यो लिग उपाधि
एजेन्सी : स्पेनिस लिगको उपाधि पक्का गरे लगत्तैको खेलमा बार्सिलोना घरेलु मैदानमै रियल सोसिडाडसँग २–१ ले पराजित भएको छ।
तर यो हारका बाबजुद गए राति बार्सिलोनाले यसअघि नै पक्का गरिसकेको लिग उपाधि घरेलु मैदान क्याम्प नोउमा उचाल्यो।
खेलमा पाँचौ मिनेटमा नै मोरिनोले गोल गर्दा ७२ औं मिनेटमा सोर्लोथले सोसिडाडको लागि दोस्रो गोल गरेका थिए।
यसपछि इन्ज्युरी समयमा लेवान्डोस्कीले एक गोल फर्काए पनि बार्सिलोना २-१ ले पराजित भयो। तर यो हारले बार्सिलोनालाई केही फरक परेन।
यसअघि नै लिग च्याम्पियन बनिसकेको बार्सिलोनाले उपाधिको खुसियाली मनायो।
जेठ ७, २०८० आइतबार ०८:४३:०९ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
