सावित्राको दुई गोलमा गोकुलम भारतीय लिगको फाइनलमा
एजेन्सी : नेपाली स्टार फरवार्ड सावित्रा भण्डारी ‘साम्बा’को दुई गोलको मद्दतले गोकुलम केरेला एफसी भारतीय महिला लिग (आईडब्ल्यूएल) को फाइनलमा प्रवेश गरेको छ।
गए राति भएको सेमिफाइनल खेलमा इस्टर्न स्पोर्टिङ युनियनलाई ५–१ ले हराउँदै डिफेन्डिङ च्याम्पियन गोकुलमले यो सिजन पनि अन्तिम दुईमा स्थान पक्का गरेको हो।
गोकुलमको जितमा सावित्राले दुवै हाफको इन्जुरी टाइममा एक/एक गोल गरेकी थिइन्। सर्वाधिक गोलकर्ताको सूचीमा शीर्षस्थानमा रहेकी सावित्राको लिगमा २८ गोल भएको छ।
अब उपाधिका लागि गोकुलमले आइतबार हुने फाइनलमा किकस्टार्ट एफसीसँग भिडन्त गर्नेछ। किकस्टार्टमा नेपाली खेलाडी सरु लिम्बु र रेनुका नगरकोटी आबद्ध छन्।
जेठ ६, २०८० शनिबार ०७:३५:३७ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
