हैदरावादले बेंग्लोरलाई दियो १८७ रनको लक्ष्य, क्लासेनको शतक

इन्डियन प्रिमियर लिग (आईपीएल) अन्तर्गत लिग चरणको ६५ औं खेल सनराइजर्स हैदरावाद र रोयल च्यालेन्जर्स बैंग्लोरबीच जारी छ।

टस हारेर पहिले ब्याटिङ रोजेका हैदरावादका विकेटकिपर ब्याट्सम्यान हेनरिक क्लासेनले ४९ बलमा शतक बनाए। उनको शतकको मद्दतमा टोलीले २० ओभरमा ५ विकेट गुमाएर १८६ रन बनाएको थियो। बैंगलोरका माइकल ब्रेसवेलले २ विकेट लिए। 

हैदरावादका क्लासेनबाहेक अन्य ब्याट्सम्यानले खासै रन बटुल्न सकेनन्। अभिषेक शर्माले १४ बलमा ११ रन, राहुल त्रिपाठीले १२ बलमा १५, कप्तान एडेन मार्करामले २० बलमा १८, ह्यारी ब्रुकले १९ बलमा २७ र ग्लेन फिलिप्सले ४ बलमा ५ रन बनाए।

बैंगलोरका लागि ब्रेसवेलले २ विकेट लिए भने शाहबाज अहमद, मोहम्मद सिराज र हर्षल पटेलले १-१ विकेट लिए। 

पावरप्लेमा हैदराबादबाट चौथो नम्बरमा ब्याटिङ गर्न आएका विकेटकिपर हेनरिक क्लासेनले उत्कृष्ट ब्याटिङ गरे। उनले २४ बलमा अर्धशतक प्रहार गरे र कप्तान एडेन मार्करामसँग ७६ रनको साझेदारी पनि गरे। मार्करामपछि पनि उनले ४९ बलमा आफ्नो पहिलो आईपीएल शतक पूरा गरे। उनी ५१ बलमा १०४ रन बनाएर हर्षल पटेलको शिकार बने। 

यो सिजनको सातौं शताब्दी हो। उनीभन्दा अगाडि हैदरावादका ह्यारी ब्रुक, गुजरातका शुभमन गिल, राजस्थानका यशस्वी जैसवाल, मुम्बईका सूर्यकुमार यादव, कोलकाताका वेंकटेश अय्यर र पञ्जाबका प्रभसिमरन सिंहले शतक प्रहार गरेका छन्।

जारी प्रतियोगितामा सातै खेलाडीले पहिलो पटक शतक बनाएका छन्।

जेठ ४, २०८० बिहीबार २१:३७:२६ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।