११ सयले घट्यो सुन, चाँदीमा ५ रुपैयाँ गिरावट
काठमाडौं : साताको चौथो दिन सुनको मूल्यमा तोलाकै ११ सय रुपैयाँ घटेको छ।
मंगलबार १ लाख ११ हजार १ सय रुपैयाँमा कारोबार भएको छापावाल सुनको मूल्यमा ११ सय रुपैयाँले कमी आई बुधबार १ लाख १० हजार रुपैयाँ कायम भएको नेपाल सुनचाँदी व्यवसायी महासंघले जनाएको छ।
महासंघका अुनसार तेजाबी सुनको मूल्य बुधबार १ लाख ९ हजार ५ सय रुपैयाँमा कारोबार हुनेछ।
सुनको मूल्यमा ११ सय रुपैयाँले कमी आउँदा चाँदीको मूल्य पनि घटेको छ। मंगलबारको तुलनामा बुधबार चाँदीमा प्रतितोला ५ रुपैयाँले कमी आएको महासंघले जनाएको छ।
महासंघका अनुसार चाँदीको मूल्य बुधबार तोलाको १ हजार ३७० रुपैयाँ कायम भएको छ।
जेठ ३, २०८० बुधबार ११:००:४३ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
