दोस्रो हाफमा ३ गोल खाँदै हार्यो आर्सनल, सिटीलाई लिग जित्न सजिलो
एजेन्सी : इंग्लिस प्रिमियर लिग उपाधि दौडमा म्यानचेस्टर सिटीलाई टक्कर दिइरहेको आर्सनलले घरेलु मैदानमै अप्रत्याशित हार भोगेको छ।
दोस्रो हाफमा तीन गोल खाँदै ब्राइटनसँग ३-० ले पराजित भएपछि आर्सनलको उपाधि जित्ने सम्भावना कमजोर बनेको हो।
खेलको पहिलो हाफ गोलरहित बरबरीमा सकिए पनि आर्सनलले घरेलु मैदानमा दोस्रो हाफमा लगातार तीन गोल खाएको थियो।
आर्सनलको यो हारपछि लिगमा एक खेल कम खेलेको लिडर म्यानचेस्टर सिटीको अग्रता चार अंकको भएको छ। अब उपाधि जित्न सिटिलाई तीन खेलमा एक जित नै पर्याप्त हुनेछ।
हारपछि आर्सनलको ३६ खेलबाट ८१ अंक छ भने सिटीको ३५ खेलबाट ८५ अंक छ।
जेठ १, २०८० सोमबार ०८:३१:५२ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
