आईपीएल उपाधिविहीन कोहली र बैंगलोर प्ले अफको आशामा राजस्थानसँग भिड्दै

एजेन्सी : हालसम्म आईपीएल उपाधिबिहिन रहेका भारतीय स्टार क्रिकेट विराट कोहलीसँगै उनको टिम बैंगलोरको यो सिजन पनि उपाधि जित्ने सम्भावना धरापमा छ।

उपाधिभन्दा पनि शीर्ष चारभित्र परेर प्ले अफ पुग्नलाई नै बैंगलोरलाई धौ धौ परेको छ। प्ले अफ पुग्ने सम्भावनालाई जीवितै राख्ने आशामा आज बैंगलोर राजस्थानसँग भिड्दैछ।

राजस्थानको घरेलु मैदानमा नेपाली समयअनुसार ३:४५ बजे हुने दिनको पहिलो खेल जित्दै बैंगलोर प्ले अफ सम्भावना बलियो बनाउन चाहन्छ। उता राजस्थानको पनि अवस्था उस्तै छ।

लिगमा राजस्थानको १२ खेलबाट १२ अंक नै छ भने एक खेल कम खेलेको बैंगलोरको १० अंक छ।

लिगको पहिलो चरणको खेलमा बैंगलोरले राजस्थानलाई ७ रनले हराएको थियो।

गुजरात, चेन्नाई, मुम्बाइ र लखनउ क्रमशः १६, १५, १४ र १३ अंकसहित लिगको शीर्ष चार स्थानमा छन्।

वैशाख ३१, २०८० आइतबार ११:५७:३६ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।