मेस्सीलाई निलम्बनपछि मैदानमा फर्किंदा पीएसजी कै फ्यानले गिज्याए
एजेन्सी : अर्जेन्टिनाका कप्तान मेस्सीलाई क्लबले लगाएको प्रतिबन्धपछि मैदानमा फर्किंदा पीएसजी कै फ्यानले गिज्याएका छन्।
साउदी अरेबियाको अनधिकृत भ्रमण गरेको आरोपमा पीएसजीले निलम्बन गरे पछि गए राति मेस्सी पहिलो पटक आजासियोसँगको लिगको खेलमा मैदानमा फर्किएका थिए।
पीसजी ५-० ले विजयी भएको खेलमा मेस्सीले ९० मिनेट नै खेलेका थिए। तर मेस्सीलाई खेल दौरान पीएसजी कै केही समर्थकले गिज्याएका (बू गरेका) थिए।
पुरै खेल खेले पनि मेस्सीले गोल भने गर्न सकेनन्।
साउदी अरेबियाको अनधिकृत भ्रमण गरेको आरोपमा पीएसजी उनलाई दुई साता निलम्बन गरेको थियो। उनलाई पीएसजीको क्याम्बाट बाहिर बस्न भनिएको थियो।
तर सात पटकको बालोन डीओर विजेता मेस्सीले सार्वजनिक माफी मागेपछि उनको कारबाही फुकुवा भएको थियो।
वैशाख ३१, २०८० आइतबार ०८:५८:२२ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
