प्रिमियर लिगमा म्यानचेस्टरको जित, शीर्ष चारमा रहने सम्भावना बलियो
एजेन्सी : म्यानचेस्टर युनाइटेडले इंग्लिस प्रिमियर लिगमा वल्भरह्याम्पटनलाई २-० गोल अन्तरले पराजित गरेको छ।
यो जितसँगै युनाइटेडले लिगमा यो सिजन शीर्ष चारमा रहने सम्भावनालाई बलियो बनाएको हो।
घरेलु मैदान ओल्ड ट्राफोर्डमा गए राति भएको खेलमा युनाइटेडका लागि खेलको ३२ औं मिनेटमा मार्सियालले गोल गर्दै अग्रता दिलाएका थिए।
यसपछि इन्जुरी समयमा गार्नाचोले गोल गर्दै युनाइटेडको २-० को जित पक्का गरे।
यो जितसँगै युनाइटेड ३५ खेलबाट ६६ अंकसहित लिगको चौथो स्थानमा कायमै छ। लिडर सिटीको भने ३४ खेलबाट ८२ अंक छ।
वैशाख ३१, २०८० आइतबार ०७:२६:५१ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
