सार्वजनिक सम्पत्तिमा क्षति पुर्याउनेलाई पक्राउ गर्न प्रहरीलाई पाकिस्तानी प्रधानमन्त्रीको ७२ घण्टे अल्टिमेटम

एजेन्सी : पाकिस्तानका प्रधानमन्त्री शहबाज सरिफले सार्वजनिक सम्पत्तिमा क्षति पुर्याउनेलाई ७२ घण्टाभित्र पक्राउ गर्न सुरक्षा निकायलाई निर्देशन दिएका छन्।

इमरान खानलाई पक्राउपछि भएका प्रदर्शनका क्रममा सार्वजनिक सम्पत्ति तोडफोडमा सहभागीहरूलाई पक्राउ गर्न ७२ घण्टे अल्टिमेटम दिएको प्रधानमन्त्री सरिफले ट्वीटरमार्फत जानकारी दिए।

उनले भने, ‘सार्वजनिक तथा निजी सम्पत्तिमा तोडफोड, तोडफोड, आगजनी गर्ने, यस कार्यमा उक्साउने र सहयोग गर्नेलाई पक्राउ गर्न कानुन कार्यान्वयन निकायलाई ७२ घण्टाको समय दिएको छु।’

त्यस्ता व्यक्तिलाई पक्राउ गर्नका लागि प्राविधिक सहयोगदेखि खुफियासम्मका सबै उपलब्ध स्रोतहरू खटाइएको उनले जानकारी दिए।

‘त्यस्ता व्यक्तिहरू विरुद्ध कानुनी कारबाही यो सरकारको लागि परीक्षा हो। तिनीहरूको मुद्दा आतंकवाद सम्बन्धी मुद्दाहरूको सुनुवाइका लागि स्थापित अदालतहरूमा सुनुवाइ हुनेछ।’

वैशाख ३०, २०८० शनिबार १७:०५:०२ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।