सावित्राले गरिन् भारतीय लिगको एकै खेलमा ७ गोल

काठमाडौं : नेपाली स्टार फरवार्ड सावित्रा भण्डारी (साम्बा)ले भारतीय महिला लिगमा एकै खेलमा सात गोल गरेकी छन्।

शुक्रबार भएको आईडब्ल्यूएलको खेलमा सावित्राको ७ गोलको मद्दतले गोकुलम केरेलाले मुम्बई किंग्स एफसीलाई ११-१ गोलको फराकिलो अन्तरले हरायो।

सावित्राले खेलको पहिलो हाफमै ह्याट्रिक पुरा गरेकी थिइन्। खेलको ११ औं, १६ औं, ३२ औं र ३९ औं मिनेटमा गरि उनले पहिलो हाफमा चार गोल गरिन्।

त्यसपछि ५५ औं  र ८९ औं मिनेटमा गोल गर्दै दोहोरो ह्याट्रिक गरेकी उनले इन्जुरी टाइममा थप एक गोल गरेकी थिइन्।

उनी लगातार दोस्रो खेलमा प्लेयर अफ दी म्याच घोषित भइन्। सावित्रा यस लिगमा ७ खेलमा २६ गोल गर्दै सर्वाधिक गोलकर्ताको सूचीमा शीर्षस्थानमा छिन्।

डिफेन्डिङ च्याम्पियन गोकुलम ७ खेलमा १९ अंकसहित लिगको समूह एको शीर्षस्थानमा छ।

वैशाख ३०, २०८० शनिबार ०८:२३:१८ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।