डा. मदन राई पक्राउ
काठमाडौं : यौन दुर्व्यवहारको आरोप लागेका कृषिविज्ञ डा. मदन राईलाई प्रहरीले नियन्त्रणमा लिएको छ।
शुभद्रा मदन फाउन्डेसनका संस्थापकसमेत रहेका राईलाई शुक्रबार विहान फाउन्डेसनबाटै पक्राउ गरिएको जिल्ला प्रहरी खोटाङका सूचना अधिकारी प्रहरी निरीक्षक बेनु कार्कीले जानकारी दिए।
राईविरुद्ध लिखित र मौखिक उजुरी परेपछि सोधपुछका लागि नियन्त्रणमा लिइएको कार्कीले बताए।
राईमाथि आफ्नै फाउन्डेसनमा अध्ययनरत बालिकाहरूमाथि यौन दुर्व्यवहार गरेको आरोप छ।
राईले फाउन्डेसनमा रहेका बालबालिकामाथि गरेको यौन दुर्व्यवहारबारे सेतोपाटीले प्रमाणसहित बिहीबार समाचार प्रकाशित गरेको थियो। सेतोपाटीका अनुसार राईले बालिकाहरूलाई आफ्नो जिउ मालिक गर्न लगाउने, संवेदनशील अङ्गहरू छुने, अश्लील बोल्ने गर्दै आएका थिए।
वैशाख २९, २०८० शुक्रबार १४:०७:१२ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
