बसको ठक्करबाट दाङमा मोटरसाइकल चालकको मृत्यु
काठमाडौं : दाङको घोराही उपमहानगरपालिका–१४ स्थित आर्मी ब्यारेक नजिक हिजो साँझ बसको ठक्करबाट मोटरसाइकल चालकको मृत्यु भएको छ।
मृत्यु हुनेमा रोल्पाको रुन्टिगढी गाउँपालिका–३ का अन्दाजी २१ बर्षीय चन्द्रबहादुर नेपाली रहेका छन्। बसको ठक्करबाट गम्भीर घाइते भएका उनको उपचारको क्रममा राप्ती स्वास्थ्य विज्ञान प्रतिष्ठान घोराहीमा मृत्यु भएको हो।
रा १ ख १२०१ नम्बरको बसले नेपाली सवार रा ३ प ४२ नम्बरका मोटरसाइकललाई हिजो साँझ ६ बजे ठक्कर दिएको थियो। दुवै सवारी साधन र बस चालकलाई स्थानीय प्रहरीले नियन्त्रणमा लिएको छ।
वैशाख २९, २०८० शुक्रबार १०:५८:०४ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
