चिसापानीमा टिपरको ठक्करबाट मोटरसाइकल चालकको मृत्यु
काठमाडौं : जिल्लाको तार्केश्वर नगरपालिका–६ चिसापानीमा ट्रिपरको ठक्करबाट मोटरसाइकल चालकको मृत्यु भएको छ।
चिसापानी बस्ने रसुवाको नौकुण्ड गाउँपालिका–२ घर भएका अन्दाजी ३३ वर्षीय पासाङ्ग लोप्चन तामाङ्गको मृत्यु भएको प्रहरीले जनाएको छ।
ट्रिपरको ठक्करबाट गम्भीर घाइते भएका तामाङको ग्रिनसिटि अस्पताल सामाखुशीमा उपचारको क्रममा रातीनै मृत्यु भएको हो।
धर्मस्थलीबाट तिनपिप्ले तर्फ जाँदै गरेको रा १ ख २७३४ नम्बरको ट्रिपरले सोही दिशा तर्फ जाँदै गरेको बा ३४ प १००७ नम्बरका मोटरसाइकललाई गएराती सवा १० बजे ठक्कर दिएको थियो।
ट्रिपर चालकलाई प्रहरी वृत बालाजुले नियन्त्रणमा लिएको छ। शवलाई भने पोष्टमार्टमको लागि त्रिवि शिक्षण अस्पताल महाराजगंज पठाइएको छ।
वैशाख २९, २०८० शुक्रबार १०:३७:२२ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
