नेपालसँगै विश्वकप छनोट खेल्ने यूएई वेष्ट इण्डिजसँग एकदिवसीय सिरिज खेल्दै
काठमाडौं : नेपालसँगै विश्वकप छनोट खेल्ने तयारीमा रहेको यूएईले वेष्ट इण्डिजसँग एकदिवसीय सिरिज खेल्ने भएको छ।
यसै वर्ष भारतमा हुने एकदिवसीय विश्वकपका लागि अर्को महिना जिम्बाबेमा छनोट प्रतियोगिता हुँदैछ।
त्यसअघि यूएईले तयारी स्वरुप घरेलु मैदानमा वेष्ट इण्डिजसँग तीन खेलको एकदिवसीय सिरिज खेल्न लागेको हो। १० टिम रहेको विश्वकप छनोट प्रतियोगितामा वेष्ट इण्डिज पनि छ।
नेपाल, ओमान र स्कटल्याण्ड लिग-२ को शीर्ष तीन टिमको रुपमा विश्वकप छनोटमा पुग्दा यूएई र अमेरिकाले प्लेअफमार्फत जिम्बाबेको टिकट काटेका हुन्।
वैशाख २८, २०८० बिहीबार ०९:१९:३८ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
