१८ वर्षपछि बार्सिलोना छाड्दै कप्तान बुस्केट
एजेन्सी : स्पेनिस क्लब बार्सिलोनाका कप्तान सर्जियो बुस्केटले यसै सिजनको अन्त्यसँगै क्लब छाड्ने घोषणा गरेका छन्।
३४ वर्षीय मिडफिल्डरले १८ वर्षदेखिको बार्सासँगको यात्रामा पूर्णविराम लगाउने भएका हुन्।
‘बार्सिलोनाबाट विदा हुने यो त्यति सजिलो निर्णय होइन। तर मलाई लाग्छ अब समय भएको छ,’ उनले भने।
सन् २००५ मा बार्सिलोना आएका उनले हालसम्म ७१९ खेल खेलिसकेका छन्। बार्सिलोनाबाट सर्वाधिक धेरै खेल खेल्ने उनी तेस्रो खेलाडी हुन्।
उनले बार्सिलोनाबाट आठ लिग, तीन च्याम्पियन्स लिग र सात स्पेनिस कपको उपाधि जितेका छन्।
वैशाख २८, २०८० बिहीबार ०९:०३:४९ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
